Bila kakanakan garing panas tapi hujung talinganya dingin banar, tandanya kapidaraan

Bila kakanakan garing panas tapi hujung talinganya dingin banar, tandanya kapidaraan.

Tarjamahan (Indunisia): "Bila anak-anak sakit panas tetapi ujung telingnya dingin, tandanya kapidaraan".

Makna: Isi tatangar ngini yakni mun kakanakan pina gagaringan tagal hujung talinganya dingin, maka kakanakan ngitu takana kapidaraan. Kapidaraan nang dimaksud ngini adalah sakit nang kadada hubungannya lawan bubuhan kaduktaran atawa disababakan ulih gangguan pidara mun manurut kaparcayaan masyarakat. Pidara ngini ditujuakan lawan ruh kulawarga nang diduga mengganggu kakanakan ngitu. Kepidaraan biasanya ditamba lawan babinian baumur ampat puluh tahunan nang mambaca basmalah, salawat, wan mambaca mantra pidara. Babinian ngini mambaca babacaan ngitu sambil meniupakan janar nang sudah dicampuri lawan kapur sirih. Campuran janar wan kapur sirih ngini imbah ngitu dicucuk-cucuk lalu disapui ka kakanakan nang garing ngitu waktu matahari taturun.