Y.S. Agus Suseno

Y.S. Agus Suseno adalah sastrawan atawa panyairan tumatan Kalimantan Salatan. Sidin lahir di Banjarmasin, tanggal 23 Agustus 1964, wan habis umur tanggal 12 Saptimbir 2024 di Rumah Sakit Islam Banjarmasin.

Papadahan

• "Panyair atawa saniman saharusnya kritis, aktip mangkritisi sagala ihwal, tamasuk mangkritisi kakuasaan. Saniman dimasuk akan ka dalam gulungan bubuhan intiliktual. Lamun inya kada mangkritisi kakuasaan, imbang pang intiliktualnya di mana?"
• "Kritik nang ulun sampai akan mahirip kaya urang baludah, mambuang liur basi. Parihal kaya apa tanggapan urang tarhadap kritik nitu, tasarah."
• "Netijin Kalsel umumnya, urang Banjar khususnya, rata-rata mampusting satatus babahasa Indunisia. Lucu jua, sababnya papadaan jua, imbah satatusnya dikumintari kakawanannya babahasa Banjar jua. Jadi, kanapa kada langsung haja mampusting satatus babahasa Banjar?"
• "Masarakat kita, tamasuk iksikutip, ligislatip, wan ASN, sapalih kada ingat bahuwa kita ngini hidup dalam sistim dimukrasi. Sapalih masih mawaris kultur Orde Baru nang antikritik, baluman siap balainan pandapat."
• "Ulun sadar, di samping maulah musuh, kritik nang ulun sampai akan jua maulah pandukung. Ngarannya jua manusia, ada nang katuju, ada jua nang kada katuju lawan kritik nang ulun sampai akan."
• "(Kritik) gasan maingatakan, maulah kasadaran, kadada nang abadi di dunia ngini, sabarataan sipatnya samantara, tamasuk jua pangkat, jabatan, kadudukan."
• "Lamun saniman bakarya gasan kasanangan inya surangan haja, kada paduli lawan alam lingkungan di sakitarnya, apa lainnya lawan basakian?"
• "Pulitisi anum nang maju dalam pilkada di kuta Banjarmasin, Banjarbaru, wan Kabupatin Banjar, paling kada mambari harapan bahuwa sacara alami wayah sudah baganti, pulitisi tuha sabaiknya tahu diri. Tagal pulitisi anum nitu lain jaminan gasan kabaikan dimukrasi di Kalsel wayah kainanya, waktu nang akan mambuktiakan."
• "Bahanu ulun hiran, kakawanan ulun di Facebook katuju banar maningau parihal nang jauh, masalah nasiunal, bahanu intirnasiunal, samantara masalah lukal dibiarakan. Buhannya ni badiam di mana? Sabalum maningau nang jauh, nang parak dulu pang ditingau. Jangan kuman di sabalah lautan nampak, gajah nang di palupuk mata kada kalihatan."
• "Ulun sudah tuntung lawan banyak ihwal dalam hidup ngini. Malalui karya, kahandak ulun cuma satu, manyampaiakan ihwal nang kada kawa disampaiakan ulih urang kabanyakan."

Jujuhutan

Sandi Firly. Y.S. Agus Suseno: Kritik Saya Seperti Membuang Liur Basi dalam Asyikasyik.com. 2019.