Tatangar Banjar

Tatangar itu tradisi lisan urang Banjar nang mangartiakan pirasat nang jadi tanda sasuatu. Tatangar Banjar baisi sistém kognisi nang menambangun pola hidup lawan pola pikir masyarakat Banjar sabagai masyarakat nang mamiliki tradisi lisan damintu.

Di bawah ini daptar tatangar nang disusun sasuai urutan abjad.

B

• Bila ada kambang mawar di muka rumah, tanda parajakian

Makna: Tatangar diatas ngitu artinya bahwa amun ada kambang mawar di muka rumah, itu dianggap sabagai tanda rajaki nang baik atawa melambangkan kamakmuran. Mawar rancak dihubungakan lawan kaindahan wan kabahagiaan. Jadi, makna nang labih dalam adalah bahwa rumah nang indah wan mewah manunjukakan kabagjaan wan banyaknya rajaki gasan panduduknya.

• Bila hambawang bakambang, tandanya musim kamarau datang

Makna: Tatangar ngitu manunjukakan kepercayaan urang Banjar lawan pohon ambawang nang bunganya dianggap sabagai tanda datangnya musim kemarau. Pas musim kemarau, tanam kada disaranakan karena hujan taurang. Tanda-tanda alam ngini sangat manjur gasan petani dalam mamarancanaakan langkah nang pas gasan manjaga tanaman buhannya tatap subur, walaupun pasokan banyu bakurang pas musim kamarau.

• Bila tang kalambuai banyak di pahumaan, tandanya musim hujan

Makna: Tatangar di atas manunjukakan amun banyak gandang di sawah, manandai musim hujan nang datang. Gondong atawa kalambuai marupakan binatang nang banyak ditamui di sawah wayah musim hujan datang.

• Bila tang sumur banyak iwaknya, tanda cagaran banyak razaki

Makna: Tatangar di atas manunjukakan amun ada sumur nang banyak iwaknya, tanda akan banyak rajaki. Dalam kontéks ngini, iwak dianggap sabagai makanan. Maka apabila ada ikan banyak, maka rajaki itu banyak.

P

• Pabila baras dipadaringan dihurung samut, cagar harga baras handak naik

Makna: Pas barang (dalam hal ngini baras) mulai manarik parhatian banyak urang (dilamatakan samut nang datang ka baras), itu manandakan kalu parmintaan gasan barang itu maningkat. Akibatnya, harga barang-barang ngitu akan maninggang karena makin banyak urang nang handaknya. nang di sini Lebih luas, tatangar ngini manunjukakan hukum ékonomi dasar tentang pamintaan wan tawarnaan: bila parmintaan tinggi, tapi kasadiaan tabatas, harga bakal pacangan naik.

T

• Tang tangir babunyi, tandanya lagi musim katam

Makna: Tatangar di atas manunjukakan manunjukakan pabila sarangga halus nang ba'anakan tangir manandai musim panén. Hal ngini marupakan tanda alam matan karangga nang banama tangir nang dipakai sabagai pangatahuan para patani gasan mangatahui masa panén padi.

Bahan acuan

Sri Wahyu Nengsih. (2016). TATANGAR BANJAR SEBAGAI EKSPRESI SISTEM KOGNISI MASYARAKAT BANJAR. UNDAS: Jurnal Hasil Penelitian Bahasa Dan Sastra, 12(1), 97–110. https://doi.org/10.26499/und.v12i1.552